لَازمْ احكى وَلَف بالحكاوي
واطوفْ
واللي يعيشْ بين الحيارى
ياما يشوفْ
هَحكي م الحكاوي
ألوفْ
هخلى الدنيا تِسمعني
وِهَضرب كُل ليلة دْفوفْ
-----------
مَتزعليش يا أمْ الشَهيدْ
حَقِكْ عَلينا كُلنا
ليكى مين غِيرْ رَبنا تِدعيه.
رَاح البطلْ عَندْ اللي خَلقه
وِتحققت أَمانيه.
------
مَتزعليشْ يا بِنت مصر
يا أمْ الضفايرْ مَجدولينْ
الحزنْ راسمْ كِلمتهْ
رَاسمْ شَهيدْ عَلى صَفحتهْ
وِمِيتْ كِتابْ إِتألفوا للمَقْهورين.
-------
هَحكي وَاطوف وَألف وَاشوفْ
بِرَغم الحُزن اللي مَالينا
وِغَير كُل شئ فينا
برغم الآهة اللى سَنْدانا
وِزَنْ الحُزْنْ جِوانا
لاَزِمْ نِحِسْ مِن تَاني
بصوت الدم فى الشرايين
وِهَفضل أَلِفْ وَاحكي وَأَعيدْ
الكِلمةْ للملايينْ
------
دَهْ صُوتْ الحَق مَلوشْ عِنوانْ
تَعالوا وراجعوا في كُتبكمْ
وشُوفوا الصورةْ والألوانْ.
بقلمي
سلوى علي محمد
ليست هناك تعليقات:
إرسال تعليق