جُوة قَلبى
أَلف قِصةْ
وِالحكاوى ع القهاوي
بقت غريبة
والكتب متبعترة فوق القلوب
محتاجة رصة
يا جماعة المشكلة
إننا رغم المشاكل والتعب
محتاجين ل تاريخنا بصة
ولا إِنتم نسيتم ماضيكم
والتاريخ كمان نسيكم
يالا إصحوا من منامكم
وكفاية غَصة.
الجَهل فَاض ْ
والتُختْ جُوة الفُصول ْ
إِتستفتْ
وِنفسها حتى فى حصةْ.
شهرزاد سابت كتابها
و جاية تحكيلكم
من جديد
الألف قصةْ
سلوى علي محمد
ليست هناك تعليقات:
إرسال تعليق