(((فرحة العيد)))
الكل فرحان وسعيد
من يوم الوقفه ليوم العيد
الوقت طويل وبطئ ورهيب
مع أنى جبت لبس العيد
وأكيدكله جديد فى جديد
ربنا يعوض على كل شريد
ويبدل دموعه أفراح بالعيد
ويرزقه بسمة أمل فى يوم العيد
هقوم الصبح بدري
وأنا فرحان وسعيد
ولا اتأخر ولاأبدل مواعيد
والفرحه فى قلبي عماله تزيد
وأروح الساحه أصلى العيد
وأردد وأقول تكبيرات العيد
وأسلم على كل أحبابي
وأقاربي ولاحد أسيب
وأخد عيديه كبيره
وياسلام لو تزيد
وأخرج مع كل الشله
ويومنا أبيض فله
كله جرى وتنطيط
نقضي وقت مفيد
فى الصح دا يوم العيد
والغلط نبعد عنه مايصح
الكل فرحان وسعيد
نزيد الفرح فرح ونبعدعن أى جرح
على شان مانكون هدف سهل
ولانقول ولانعيد ونفرح بالعيد
لا لوام ولاعتب
يكفينا شر الحسد
والإحترام يكون طبعنا ونصون كمان عرضنا
بالأدب نفرح بالعيد
الخير يعم ويفيض
ونبعد عن كل فاجر عنيد
محتاج للتربيه والتهذيب
أكيد بالقانون هيتعاقب
ويضيع على نفسه فرحة العيد
وكل عيد والكل سعيد
بقلمي/محمودصلاح السيد4/7/2016
ليست هناك تعليقات:
إرسال تعليق